भक्तपुर । क्रान्तिकारी कम्युनिष्ट पार्टी, नेपालको एकताको आठौं भक्तपुर जिल्ला सम्मेलन सोमबार वरिष्ठ नेता सी. पी. गजुरेलको प्रमुख आतिथ्यमा सम्पन्न भयो ।
नेकपा (क्रान्तिकारी माओवादी), नेकपा(बहुमत) र नेकपा(मशाल) को एकता भएर बनेको साे पार्टीको अधिवेशन भक्तपुरमा भएको हाे
‘नयाँ जनवादी क्रान्तिको खुड्किलो पार गर्दै वैज्ञानिक समाजवादतिर अघि वढौं, आठौं जिल्ला सम्मेलन सफल पारौं’ नाराका साथ सम्पन्न उक्त सम्मेलनले जिल्ला सेक्रेटरी विवेक, सहसेक्रेटरी किरणको नेतृत्वमा २१ सदस्यीय नयाँ जिल्ला समिति गठन गरेको छ ।
समितिमा जिराम, प्रकाश, विशाल, शिरीष, वुद्ध, नवीन, सिद्धि, रामलाल सिं, समर, निराजन, दिल, प्रेमलगायतका सदस्य रहेका छन् । कार्यक्रममा पार्टी प्रवक्ता तथा ३ नं. प्रदेश इन्चार्ज सुदर्शन, ३ नं. प्रदेश संयोजक अटल, सहसंयोजक प्रवेश, सचिवालय सदस्य सरुले पनि बाेलेका थिए ।
