भक्तपुर । भक्तपुरको सुडालमा गाडी ब्रेक फेल भइ कार दुर्घटना भएको छ । भक्तपुरकाे चाँगुनारायण नगरपालिका वडा नं. ८ सुडालकाे हनुमान चाेकमा कार दुर्घटना भएको हाे ।
नगरकोट कलमसीबाट भक्तपुरतर्फ आउदै गरेको बा १८ च २५११ नम्बरको कार ब्रेक फेल भइ अनियन्त्रित भएपछि सडकबाट अन्दाजी ५० मिटर तल खसेको थियाे । साे कार झापा दमक न. पा. -१० स्थायी वासिन्दा निशा श्रेष्ठकाे नाम रहेकाे अनुसन्धानकाे क्रममा खुलेको छ ।
कारमा ७ जना सवार रहेकाे प्रहरीले जनाएको छ । सवारमध्ये ७ जनै घाइते भएको प्रहरीले जनाएको छ । घाइतेहरूमा महिला तीन, पुरूष २ र २ जना बालक छन् ।
घाइते सातै जनाकाे उपचारको लागि मध्यपुर अस्पताल पठाइएको प्रहरीको भनाइ छ ।
