काभ्रे । नेपालमै पहिलोपटक सामुदायिक कलेजमा बीएस्सी सीएसआईटी सञ्चालन सुरू गरेकाे बनेपा कलेज अफ म्यानेजमेन्ट एण्ड टक्नाेलाेजीमा साढे ३ लाखमा बीएस्सी सीएसआईटी पढ्न पाइने भएको छ ।
काभ्रेको बनेपा नगरपालिका वडा नं ६ बुडाेलस्थित काभ्रे बहुमुखी क्याम्पसमा साे शुल्कमा उक्त विषय अध्ययन गर्न पाउने भएकाे हाे ।
बनेपा नगरपालिकाकाे सहयाेगमा सञ्चालन आउने उक्त क्यापसले राजर्षि जनक विश्वविद्यालयबाट सम्बन्धन प्राप्त गरेकाे छ । `सर्वसाधारणका छोराछोरीहरुले सर्वसुलभ ढङ्गबाट प्राविधिक रोजगारमुलक विश्व बजारमा विक्ने शिक्षा प्रदान गर्न बीएस्सी सिएसआईटी कार्यक्रम सञ्चालन गर्न राजर्षि जनक विश्वविद्यालय जनकपुरबाट सम्बन्धन प्राप्त गरेका छौँ । उपत्यकामा साह्रै महंगो शुल्कमा पढ्नु पर्ने बाध्यतालाई अन्त्य गरी स्नातक तहमा प्राविधिक विषय ३ लाख ५० हजार शुल्कमा पढाउने छौँ´, कलेजका प्राचार्य केजी बैदारले भने, ` ४०/४० सिटमा अध्ययन गर्ने अवसर छ । दुबैमा १० प्रतिशत छात्रवृत्तिको व्यवस्था छ । फुल स्कलरसिपमा गरिव, असाहय, अल्पसंख्यक, दलित जो निम्न आय भएका तर पढ्न सक्ने क्षमता भएकाहरुलाई छात्रवृत्ति प्रदान गरेर अध्यापन गराउँछौँ ।´
कलेजका प्राचार्य बैदारले काभ्रे बहुमुखी क्याम्पसकाे भाैतिक र जनशक्तिको उपयोग गर्ने गरि साे कलेज सञ्चालन हुने जनाए ।
