भक्तपुर । पर्यटकीय क्षेत्र नगरकाेट पुग्ने मुख्य सडक किनारामा वृक्षारोपण गरिएको छ । नगरकाेटकाे साैन्दर्य वृद्धिमा सहयोग पुर्याउन चाँगुनारायण नगरपालिका वडा नं ६ ले सडक किनारमा वृक्षारोपण गरेको हाे ।
२०८२ सालका लागि घाेषणा गरिएको नगरकोट भ्रमण वर्षलाई सफल बनाउन वडाको पहलमा वृक्षारोपण गरिएको वडा अध्यक्ष धनबहादुर लामाले जानकारी दिए । आज विशेष कार्यक्रम आयाेजना गरी वृक्षारोपण गरिएको बताउँदै साे वृक्षारोपणले नगरकाेटलाई हरियाली बनाउन सहयोग पुग्ने जानकारी दिए ।
साे वृक्षारोपणका लागि काठमाडौं उपत्यका विकास प्राधिकरणले सहयोग गरेकाे थियाे । प्राधिकरणले सहरी सुन्दरता बढाउन र बढ्दाे जलवायु परिवर्तनले पारेको असरलाई कम गर्न हरियाली प्रवर्द्धनमा सहयाेग र सहकार्य गर्दै आएको छ ।
साेमबार वृक्षारोपण अन्तरगत नगरकाेट चाेकमा विभिन्न रूख बिरुवा राेपन गरिएको छ ।
