भक्तपुर । भक्तपुरको सिद्धि स्मृति बाल अस्पतालमा तनाव भएकाे छ । भक्तपुर नगरपालिकावडा न ७ भिमसेनथानस्थित साे अस्पतालमा उपचारका लागि लगेकी शिशुकाे मृत्यु भएपछि तनावकाे स्थिति सिर्जना बनेको हाे ।
अस्पतालमा काभ्रेकाे चाैरिदेउराली ७ घर भई हाल जिल्ला भक्तपुर चाँगुनारायण नगरपालिका वडा न ४ बस्ने विष्णु भुजेल र सर्मिला भुजेलका ९(नाै) महिनाको छाेरीकाे उपचारका क्रममा निधन भएको पारिवारिक स्राेतले जनाएको छ ।
स्राेतका अनुसार शनिबारदेखि वाकवाकी र पखाला कारणले नाै महिने छाेरी सान्भी भुजेललाई उपचारका लागि साे अस्पताल लगिएको थियाे । अस्पतालले शिशुलाई भर्ना गरि उपचार गरेकाे भए पनि शिशुको मृत्यु भएपछि अस्पताल परिसर तनावग्रस्त बनेकाे छ ।
मृतक शिशुका आफन्तले अस्पतालको लापरबाहीका कारण शिशुको मृत्यु भएको जनाएको छ । मृतक शिशुका आफ्न्तजनहरुले अस्पतालको प्रशासन शाखामा घेराउ गरेका छन् । साे विषयमा प्रहरी र अस्पतालले अनुसन्धान गरिरहेको छ ।
