भक्तपुर । स्थानीय तह संस्थागत क्षमता स्वमूल्याङ्कनमा भक्तपुरका चार नगरपालिकामध्ये सूर्यविनायक नगरपालिका प्रथम भएको छ । उक्त नगरपालिकाले कूल १०० अङ्कमा ८७.५ अङ्क हासिल गरेको छ । मूल्याङ्कनका आधारमा दोस्रोमा चाँगुनारायण नगरपालिका र तेस्रोमा मध्यपुरथिमि नगरपालिका परेका छन् ।
दोस्रो भएको चाँगुनारायण नगरपालिकाले कूल १०० पूर्णाङ्कमा ८५ र तेस्रो भएको मध्यपुरथिमि नगरपालिकाले ८४ दशमलब २५ अङ्क प्राप्त गरेको छ । भक्तपुर नगरपालिका भने चौथो स्थानमा परेको छ । सो नगरपालिकाले कूल पूर्णाङ्क १०० मा ७५.७५ मात्र प्राप्त गरेको छ । आर्थिक वर्ष २०७९/८० को उक्त विवरणले भक्तपुरका चारवटै नगरपालिकाको स्थिति देखाएको छ ।
थप : चाँगुपत्रकाे भदाै १७ काे अङ्कमा
