भक्तपुर । आफ्ना स्वर्गीय बुवा र काकाको स्मृतिमा भक्तपुर ताथलीका सुरेश गिरीले १० लाख रुपैयाँको अक्षय कोष स्थापना गरेका छन् ।
आदित्य वेदिक ज्योतिष प्रालिका सञ्चालक ज्योतिष तथा युवा सुरेशराज गिरी तथा बिनोदराज गिरीले स्व. बुवा गणेश बहादुर गिरी र स्व काका ज्ञानबहादुर गिरीको नाममा १० लाखको अक्षयकोष खडा गरेका हुन् । चाँगुनारायण नगरपालिका वडा नं. ९ ताथलीको गिरी–बस्नेत टोलका युवा गिरीले आफ्नो बुवा र काकाको सामाजिक कामको स्मरणका लागि कोष स्थापना गरेको बताए ।
उनले सो कोषको व्याजले ताथलीको ढुंगेनस्थित छोरीको घर जेष्ठ नागरिक आश्रमसँगको सहकार्यमा सामाजिक काममा लगानी गर्ने पनि बताए ।
ज्योतिष गिर्ीका वुबा तत्कालिन ताथली गाविसका निर्वाचित वडा अध्यक्ष समेत हुन् । यसका साथै स्व. गिरी साविक दक्षिणकाली प्राथमिक विद्यालयका सस्थापक थिए भने, स्व. काका ज्ञानबहादुर नेपाल प्रहरीका सहायक इन्स्पेक्टर थिए ।
