भक्तपुर । भक्तपुरको चाँगुनारायण नगरपालिकाले रेविजविरुद्ध निः शुल्क खोप शिविर सञ्चालन गर्ने भएको छ ।
विश्व रेविज दिवसको अवसरमा नगरपालिकाले सप्ताहव्यापी कार्यक्रम अन्तर्गत वडावडामा पुगेर रेविजविरुद्ध निः शुल्क खोप दिने भएको हो ।
नगरपालिकाको पशु विकास शाखाका प्रमुख एवं शाखा अधिकृत खडककुमार मैनालीले नगरपालिकाका विभिन्न ठाउँमा रहेका पशु सेवा केन्द्रमार्फत् रेविजविरुद्ध खोप दिइने जानकारी दिए ।
उनले कुकुर र बिरालोको कारण रेविज रोग फैलिरहेकाले सो रोगलाई नियन्त्रण गर्न र रेबिजबाट हुने मृत्युलाई नियन्त्रण गर्न नगरपालिकाले उक्त कार्यक्रमलाई प्राथमिकता दिएको बताए ।
उनले असोज ११ गतेदेखि १७ गतेसम्म पशुसेवा केन्द्र खरिपाटी, १२ गतेदेखि १७ गतेसम्म झौखेल, १२ गतेदेखि १४ गतेसम्म ताथली, १५ गतेदेखि १७ गतेसम्म छालिङ र १२ गतेदेखि १७ गतेसम्म स्ुडाल शाखाबाट उक्त सेवा दिइने कार्यक्रम तय भएको जानकारी दिए ।
यस्तो छ : कार्यक्रम तालिका
