भक्तपुर । भक्तपुरको क्वालिटी युथ नेटवर्ककाे छैटौं अधिवेशन सम्पन्न भएकाे छ । चाँगुनारायण नगरपालिका वडा नं ६ नगरकाेटकाे फेदीस्थित साे विद्यालयमा रहेकाे नेटवर्ककाे अधिवेशन बिहीबार विद्यालय प्राङ्गणमा भएकाे हाे ।
मानवअधिकारकाे क्षेत्रमा क्रियाशील एम्नेष्टी इन्टरनेशनल नेपाल अन्तरगत र समूह ६ भक्तपुर अन्तरगतकाे साे नेटवर्कले विद्यालय तथा समुदायमा विभिन्न सचेतनामूलक क्रियाकलाप गर्दै आएको छ ।
विद्यालयका विद्यार्थीलाई मानवअधिकार सम्बन्धि जानकारी र ज्ञान दिन गठन गरेकाे उक्त नेटवर्ककाे चाँगुनारायण नगरपालिका वडा नं ६ का वडा अध्यक्ष धनबहादुर लामाले गरेका थिए । साे क्रममा उनले विद्यार्थीकाे नेतृत्व र क्षमता वृद्धिका लागि नेटवर्कले भूमिका खेल्ने भएकाले विद्यार्थीलाई विभिन्न अतिरिक्त क्रियाकलापमा सामेल हुन अनुराेध गरे ।
साे अधिवेशनले राेशनी खड्का अध्यक्षमा चुनिएकी छन् । नेटवर्ककने उपाध्यक्षमा रञ्जिता खड्का, सचिवमा प्रवीणा लामिछाने र काेषाध्यक्षमा समीरा बास्तोला चयन भएका छन् ।
नेटवर्ककाे सदस्यहरूमा दिया बन, अंकिता ढुंगाना, आर्यन खड्कन र रूक्मिणी केसी चुनिएका छन् । नवगठित उक्त नेटवर्कलाई एम्नेष्टी इन्टरनेशनलका केन्द्रीय सदस्य बरूण कुईकेल, पूर्व अध्यक्ष विक्रम ढुकुछु, विद्यालयका प्रिन्सिपल जीबी खड्का र सञ्चारकर्मी हरिसुन्दर छुकांलगायतले शुभकामना व्यक्त गरेका थिए ।
