भक्तपुर । सम्पदा तथा पर्यटनसम्वद्ध सरोकारवालाहरुले चाँगुनारायण नगरपालिकाभित्रका सम्पदाहरुको प्रचारप्रसार आवश्यक रहेकामा जोड दिएका छन् ।
चाँगुनारायण नगरपालिकाले विश्व पर्यटन दिवसको अवसरमा आयोजित अन्तरक्रियामा सहभागीहरुले सो कुरामा जोड दिएका हुन् ।
अन्तरक्रियामा इतिहास अनुसन्धाता प्राडा पुरुषोत्तमलोचन श्रेष्ठले ऐतिहासिक, पुरातात्विक, प्राकृतिक सम्पदामा धनी चाँगुनारायण नगरपालिकामा रहेका मूर्त तथा अमूर्त सम्पदाहरुको प्रचारप्रसार जरुरी रहेकोमा जोड दिए । उनले ती सम्पदाहरुको प्रचारप्रसारले मात्र नगरपालिकाको आर्थिक समृद्धि गर्न सकिने भएकाले सो काममा नगरपालिकाले ध्यान दिनुपर्नेमा जोड दिएका हुन् ।
