भक्तपुर । भक्तपुर सूर्यविनायक नगरपालीका वडा नं. १० चित्तापोल स्थित झोलुङगे पुल तल एक लास भेटिएको छ ।
जिल्ला प्रहरी कार्यालयका अनुसार साे पुलकाे भित्री सडक खण्डमा एक लास फेला परेकाे हाे । उक्त लास जिल्ला सिन्धुपाल्चोक ईन्द्रावती गाउपालिका वडा नं. ३ घर भई हाल जिल्ला काभ्रेपलान्चोक बनेपा नगरपालीका वडा नं. १३ नयाँबस्ती सागाँ बस्ने बर्ष २३ को सैलेश भारतीकाे रहेकाे प्रहरीले स्पष्ट पारेकाे छ ।
लास घोप्टो परेकाे अबस्थामा भेटिएको प्रहरी स्राेतकाे भनाइ छ । साे विषयमा प्रहरी वृत्त जगातीबाट अनुसन्धान अधिकृत सहितको प्रहरी टोली खटिई गई घटनास्थल लासजाँच मुचुल्का कार्य गरिएको गर्दा झाेलुङ्गे पुलमा १ जोर जुत्ता, १ वटा मोजा र मृतक नजिक अर्को १ वटा मोजा समेत रहेको खुलेकाे छ ।
घटनाको सम्बन्धमा थप अनुसन्धान कार्य भईरहेको प्रहरीको भनाइ छ । स्थानीयले भने साे व्यक्तिले पुलबाट आत्महत्या गरेकाे अनुमान गरेका छन् ।
उक्त लास विहान ०५:३९ बजेको समयमा स्थानीयले भेटेपछि प्रहरीलाई खबर गरेका थिए ।
