भक्तपुर । भक्तपुरको ताथलीमा बाँसुरी र पछिमा प्रशिक्षण सम्पन्न भएकाे छ । चाँगुनारायण नगरपालिका वडा नं ९ ताथलीकाे साैडाेलामा ती दुई परम्परागत वाजाकाे प्रशिक्षण सम्पन्न भएकाे हाे ।
साैडाेलकाे गचास्थित देवी बाँसुरी बाजा खल: काे आयाेजनामा भएको साे प्रशिक्षण नाै महिनासम्म सञ्चालन भएको थियो । साे प्रशिक्षणकाे शनिबार एक समारोहबीच दीक्षान्त गरिएको छ ।
दीक्षान्तका अवसरमा प्रशिक्षणमा सहभागी ५० जनालाई एक कार्यक्रमका बीच चाँगुनारायण नगरपालिका वडा नं ९ का वडा अध्यक्ष गणेश त्यातले प्रशिक्षार्थीहरूलाई प्रमाणपत्र वितरण गरेका थिए ।
साे अवसरमा वडा अध्यक्ष त्यातले सांस्कृतिक सम्पदा जगेर्नाका लागि गरिएको प्रशिक्षणकाे प्रसंसा गर्दै त्यसलाई निरन्तरता दिन सुझाव दिए । उनले सांस्कृतिक सम्पदा जाेगाउनका लागि नयाँ पुस्ता अघि बढ्नु पर्नेमा समेत जाेड दिए ।
उनले साे अवसरमा उक्त बाजा खल: लाई रूपैयाँ ५० हजारकाे चेक हस्तान्तरण समेत गरेका थिए ।
कार्यक्रममा स्थानीय समाजसेवी नारायणभक्त न्हेम्हाफुकीले माैलिकता जाेगाएमात्र पहिचान जाेगिने भएकाले त्यसलाई निरन्तर जीवित बनाउन अनुराेध गरे ।
बाजा प्रशिक्षणका लागि वरिष्ठ वाद्य गुरु धर्म मुनिकारले प्रशिक्षककाे भूमिका निर्वाह गरेकाे स्थानीय जयकृष्ण न्हेम्हाफुकीले बताए ।
प्रशिक्षार्थी सुन्दरकाजी थुयाजुले प्रशिक्षणको क्रममा प्रशिक्षार्थीहरूले चाँगुनारायण नगरगानकाे श्वरलिपि, स्थानीय ब्रम्हायणी मन्दिरबारे भजन गानलगायतका गीतकाे प्रशिक्षण लिएकाे जानकारी दिँदै त्यसलाई निरन्तरता दिन आफूहरू लागिरहने बताए ।
प्रशिक्षणमा ३९ जना महिलाले बाँसुरी, ११ जना पुरूषहरूमध्ये ६ जना पुरूषहरूले पछिमा प्रशिक्षण लिएका थिए ।
