भक्तपुर । पानी तान्ने क्रममा एक्कासी करेन्ट लागि एक जनाकाे मृत्यु भएको छ । भक्तपुरकाे सुर्यबिनायक नगरपालिका वडा नं. ४ बालकोट पानी ट्याङ्की नजिक लोकनाथ लुइटेलको घरमा डेरा गरी बस्ने एक व्यक्तिले पानी तान्ने क्रममा करेन्ट लागि ज्यान गएकाे प्रहरीले जनाएको छ ।
प्रहरीका अनुसार मृत्युु हुनेमा काभ्रेपलाञ्चोक चौरी देउराली गाउँपालिका वडा नं. ५ स्थायी वतन भएकी बर्ष ६१ की डुलमाया गौतम रहेकी छन्। उनले भुँई तलामा गई मेशिनबाट पानी तान्न खाेजेकी थिइन् । साेही क्रममा करेन्ट लागेर उनी गम्भिर घाइते भएको अबस्थामा रहेकोमा उनका छोरा सुमन गौतमले देखेका थिए ।
उनलाई तत्काल उपचारको लागि मध्यपुर अस्पताल लगिएकोमा उपचारकै क्रममा विहान पाैने सात बजेअस्पतालको चिकित्सकले मृत्यु घोषणा गरेको प्रहरीको भनाइ छ ।
