भक्तपुर । भक्तपुरको चाँगुनारायण नगरपालिका वडा नंं ६ नगरकोट फेदीमा एक बालिका मृत अवस्थामा भेटिएकी छन् । जिल्ला प्रहरी कार्यालय भक्तपुरका अनुसार सोही ठाउँका राम कुमार गिरीको २ तले कच्ची घरको माथिल्लो तलाको भान्साको कोठाको काठको निरालमा तन्नाको पासो लगाएको अवस्थामा एक बालिका फेला परेकी छन् ।
सिन्धुपाल्चोकको त्रिपुरासुन्दरी गाउँपालिका वडा नं.६ घर भई हाल गिरीको घरमा डेरा गरी बस्ने अभिषेक थामीको छोरी वर्ष ११ की आशिका थामीले आत्महत्या गरेकी प्रारम्भिक अनुसन्धानले खुलेको प्रहरीले जनाएको छ ।
उनका बुबा अभिषेक थामीले देखी पासो काटी हेर्दा मृत्यु भईसकेको भन्ने खबर प्रहरीलाई प्राप्त भएको प्रहरीले जनाएको छ । उक्त स्थानमा प्रहरी प्रभाग खरिपाटीबाट प्रहरी खटी आवश्यक अनुसन्धान अघि बढाइएको छ । घटनास्थलको लास जाँच मुचुल्काको लागी परिसर भक्तपुरबाट प्रहरी टोली खटिएको छ ।
