भक्तपुर । चागुनारायण नगरपालिकालाई एभोगाडो सिटी बनाउने अभियान अन्तर्गत मंगलबार ताथलीवासीलाई एभाकाडोको विरुवा वितरण गरिएको छ ।
चागुनारायण सिटी एभोगाडो सिटी अभियान अन्तर्गत ताथलीको खर्क पुलमा गरिएको कार्यक्रममा चाँगुनारायण नगरपालिकाका पूर्व नगर प्रमुख सोम मिश्रसहित स्थानीयलाई विरुवा वितरण गरिएको अभियन्ताहरुले जनाए ।
चागुनारायण नपा वडा न ९ ताथलीमा वृक्षरोपणसहित वितरण गरिएको एभोकाडोको विरुवा लिन ताथलीवासी उत्साहित भएका थिए । निरन्तर पानी परिरहेको भए पनि एभोकाडोको विरुवा पाउनका लागि कोही प्लाष्टिक, कोही वर्षादी, कोही छाता ओढेर लाइन लागेका थिए भने कोहीले रुझेरै भए पनि विरुवा लिएका थिए ।
अहिले नगरपालिकामा एभोकाडो विरुवा वितरण कार्यक्रम सञ्चालन भइरहेको छ ।
