भक्तपुर । भक्तपुरको क्वालिटी ईङ्गलिस सेकेन्डरी स्कूलले पढाउनेले पढाैंसँगै हस्तलेखन प्रशिक्षण गरेकाे छ । पढाउने पेशामा आवद्ध शिक्षकहरूमा पठन संस्कृतिकाे विकास गर्न तथा उनीहरूको हस्तलेखन सीपलाई परिस्कृत गर्न विद्यालयले दुई कार्यक्रम सम्पन्न गरेकाे हाे ।
चाँगुनारायण नगरपालिका वडा नं ६ नगरकोट फेदीमा रहेकाे साे स्कूलले आफ्नो २५ औं स्थापना दिवसका अवसरमा शिक्षककाे क्षमता अभिवृद्धिका लागि उक्त कार्यक्रम गरेको जनाएको छ । साेही अवसरमा स्कूलले याे वर्ष अभिभावक, विद्यार्थी र शिक्षक केन्द्रित गतिविधिहरु संचालन गर्दै आएकाे छ ।
शिक्षकको प्रभावकारी शिक्षणका लागि विद्यालयमा कार्यरत शिक्षकहरूका लागि शुक्रबार सम्पन्न ‘पढाउनलाई पढ़ौं र हस्तलेखन प्रशिक्षण´मा साहित्यकार तथा अभियन्ता हरिहर तिमिल्सिना तथा सिलाई समूहका अभियन्ता सुदर्शन घिमिरेफे सहजीकरण गरेका थिए ।
उनीहरूले सिकाई कार्य वैज्ञानिक र प्रभावकारी हुनका लागी शिक्षक अध्ययनशील हुनुपर्नेमा जाेड दिए । सहजकर्ताद्वय तिमिल्सिना र घिमिरेले किताब रहित शिक्षा आजको आवश्यकता वन्दै गएको समयमा यस्ता कार्यले सिकाई कार्यमा शिक्षक विद्यार्थी दुवैलाई सहज हुने भएकाले उक्त कार्यक्रमलाई निरन्तरता दिन समेत सुझाव दिएका थिए ।
विद्यालयका ३४ जना शिक्षकहरूकाे सहभागितामा सम्पन्न कार्यक्रम लेखकसँग अन्तरक्रिया गरिएको थियोे । विद्यालयका प्रिन्सिपल जीवी विद्यालयकाे २५ औं स्थापना दिवसका अवसरमा विविध २५ कार्यक्रम सम्पन्न गर्ने योजना रहेको बताए ।
