भक्तपुर । माध्यमिक शिक्षा परीक्षा कक्षा १० ( एसईई) मा भक्तपुरका १४ जनाले ४ जिपिए हासिल गरेका छन् । एसइई २०७९ मा भक्तपुरबाट सहभागी ५ हजार ७०२ विद्यार्थीमध्ये १४ जना विद्यार्थीले १४ जिपिए हासिल गरेका हुन् ।
शिक्षा विकास तथा समन्वय इकाई भक्तपुरका अनुसार परीक्षामा ४ जिपिए ल्याउनेमा १० विद्यालय रहेका छन् । १० विद्यालयमध्ये एउटा सरकारी र बाँकी संस्थागत विद्यालय रहेका छन् ।
४ जिपिए हासिल गर्नेहरूमा काैशलटारकाे ग्लाेबल पाठशालाका विपिन श्रेष्ठ, तेखापुखुकाे मेधा माविका अरूणकुमार धामी, दर्शन सुवाल र सुदन तुईतुई, एसओएस हर्मन माइनरका कुमुद तिमिल्सिना र समृद्धि प्रसाईं, सल्लाघारीकाे सैनिक आवासीय महाविद्यालयकी दिलिसा थापा, लाेकन्थलीकाे दीव्यदीप स्कुलकी दीपासा अमात्य, थिमिकै विनायक शिक्षा निकेतनका कृतिका श्रेष्ठ, बालकाेटकाे मेरीगाेल्ड स्कुलका सुवास भट्टराई, थिमिकै हाेली गार्डेनकी प्रजुना शंखदेव, भक्तपुर गपलीकाे लर्नर्स एकेडेमीका अक्ष राई र बालकाेटकाे प्रिसियस पब्लिक स्कुलका सुप्रभा कार्की र सुवर्ण वैद्य रहेका छन् ।
