भक्तपुर । भक्तपुर चाँगुनारायण न.पा ५ वन्टीस्थित देकोचाबाट चाँगुतर्फ जाँदै गरेको बा १२ च १९३० नं को कार दुर्घटनामा परेकाे छ ।
चाँगुबाट तीब्र गतिमा आइरहेकाे स्कुटरलाई बचाउन खाेज्दा देकाेचाबाट चाँगु गइरहेको कार दुर्घटनामा परेकाे प्रत्यक्षदर्शी गाेविन्द थापाले बताए । उनले भने, स्कुटरलाई बचाउन खाेज्दा सडक छेउमा राखिएको ढुंगामा ठाेक्किएर कार खेतमा पुगेकाे हाे ।
साे घटना सम्बन्धि जिल्ला प्रहरी कार्यालयले चाँगुनारायण नगरपालिका वडा नं ५ निवासी तथा साेही वडाका वडा अध्यक्ष समेत रहेका बर्ष ४५ को जयेन्द्र खड्का साे दुर्घटनामा परि घाइते भएकाे जनाए पनि प्रत्यक्षदर्शी थापाले भने वडा अध्यक्ष खड्का सकुशल रहेकाे बताए ।
प्रहरीले भने साे कार आफै अनियन्त्रित भई दुर्घटना भएकाे उल्लेख गरेकाे छ ।
