भक्तपुर । भक्तपुरमा खसी फुकाउँदै गर्दागर्दै गरेकाे अवस्थामा एक व्यक्ति पक्राउ परेका छन् । भक्तपुरकाे चाँगुनारायण न.पा.४ चाँगु हलछापस्थित एक गाेठबाट खसी फुकाउँदै गरेका एक व्यक्ति पक्राउ परेकाे प्रहरीले जनाएको छ ।
प्रहरीका अनुसार चाँगु हलछाप बस्ने बर्ष ५० को श्याम परियारले खसी चाेर्ने प्रयास गरेका थिए । उनले ओखलढुङ्गाकाे मलङ गाउँपालिका ८घर भई हलछाप बस्ने बर्ष ५५ को नारायण राईले गोठ भाडामा लिई गरिरहेकाे बाख्रापालनमा पालेका खसी चाेर्ने प्रयास गर्दागर्दै स्थानीयले देखेका थिए ।
परियारले उक्त बाख्रागोठमा प्रवेश गरी खसी फुकाउदै गरेको अबस्थामा संचालकले थाहा पाई हल्लाखल्ला गरेकाे प्रहरीले जनाएको छ । गाेठ सञ्चालकले हल्लाखल्ला गरेपछि श्याम परियार भागेकोमा उनलाई भाग्दै गरेको अबस्थामा पक्राउ गरेकाे प्रहरीको भनाइ छ ।
