भक्तपुर । भक्तपुरको चाँगुनारायण नगरपालिका वडा न. ७ खरिपाटी हेल्मेटडाँडामा मोटर साइकलले एक पैल यात्रीलाई ठक्कर दिएको छ ।
कमलविनायकबाट जितपुरतर्फ जाँदै गरेको बाग्मती प्रदेश ०२–०२६ प ०६५३ नम्बरको मोटरसाइकलले पैदलयात्रीलाई ठक्कर दिँदा पैदलयात्री जिल्ला भक्तपुर चाँगुनारायण नगरपालिका वडा नं.८ जितपुर बस्ने बर्ष ४२ को ज्ञानेन्द्र लोचन घिमिरे गम्भिर घाइते भई उपचारको लागि भक्तपुर अस्पताल लगिएको थियो ।
उनलाई उपचारका लागि ट्रमा सेन्टर काठमाण्डौं रिफर गरिएको ट्रमा सेन्टरबाट थप उपचारको लागि अन्नपुर्ण न्युरो अस्पताल काठमाण्डौं लगि उपचार भईरहेकोमा असार १८ गते मृत्यु भएको प्रहरीले जनाएको छ ।
मोटरसाइकल चालक जिल्ला भक्तपुर चाँगुनारायण नगरपालिका वडा नं. ५ छालिङ बस्ने बर्ष २० को राजन थापा र मोटरसाइकल पछाडी सवार २४ को साजन कार्की सामान्य घाइते भएकोमा उपचार पश्चात डिस्चार्ज भएको प्रहरीले जनाएको छ । मोटरसाइकल चालकलाई नियन्त्रणमा लिई घटना सम्बन्धमा अनुसन्धान भईरहेको प्रहरी नायब उपरीक्षक तथा सूचना अधिकारी बसन्त पाठकले बताए ।
