भक्तपुर । नेपाली राजनीतिका शिखर पुरुष गिरिजाप्रसाद कोइरालाको १०० औं जन्म जयन्तीको अवसरमा दुवाकोटमा रक्तदान कार्यक्रम गरिएको छ ।
शान्ति तथा क्रान्ति नायकमात्र नभएर पूर्व प्रधानमन्त्री समेत भइसकेको नेपाली काँग्रेसका पूर्व सभापति कोइरालाको सो जन्म जयन्तीको अवसरमा जीपी कोइराला फाउण्डेशन भक्तपुर, मिलिजुली साकोस र नेपाल रेडक्रस सोसाईटी दुवाकोट उपशाखाको संयुक्त आयोजनामा रक्तदान कार्यक्रम गरिएको हो ।
सो अवसरमा २९ जनाले रक्तदान गरेको चाँगुनारायण नगरपालिका वडा नंं २ का पूर्व वडा अध्यक्ष शिवहरि केसीले बताए । उनले रक्तदानः जीवनदान भन्ने नारालाई सार्थक बनाउनका साथै आम जनतामा रक्तदानको जरुरीबारे जानकारी दिनका लागि नेपाली राजनीतिका एक धरोहरको रुपमा रहेका स्वर्गीय नेता गिरिजाप्रसाद कोइरालाको स्मृतिमा रक्तदान गरिएको जानकारी दिए ।
