भक्तपुर । भक्तपुरको महेन्द्रग्राम माध्यमिक विद्यालयलाई एक लाख ६७ हजारको चेक हस्तान्तरण गरिएको छ । चाँगुनारायण नगरपालिका वडा नंं ८, सुडालको सो विद्यालयलाई रोटरी क्लब अन्तर्गतको एक शाखाले सो रकम उल्लेख भएको चेक प्रदान गरेको हो ।
विद्यालयको शैक्षिक गुणस्तरमा सघाउ पुर्याउनका लागि रोटरी क्लब अफ काठमाडौं हाइटका प्रतिनीधिले विद्यालयका प्रधानाध्यापक सोम श्रेष्ठलाई चेक हस्तान्तरण गरेका हुन् । विद्यालयका अनुसार सो क्लबले विद्यालयको पूर्व प्राथमिक कक्षा(इसिडी) कक्षामा रंगरोगनका लागि आर्थिक सहयोग गरेको हो ।
क्लबले विद्यालयसँग विगत केही समयदेखि सहकार्य गर्दै विद्यालयको भौतिक पूर्वाधारका साथै शैक्षिक गुणस्तर अभिवृद्धि गर्न र विद्यार्थीको स्वास्थ्यका लागि विभिन्न सहयोग गराउँदै आएको छ ।
