भक्तपुर । भक्तपुरको डा. इवामुरा मेमोरियल हस्पिटलले निः शुल्क मोतिबिन्दु आँखा शिविर गर्ने भएको छ ।
बढ्दो आँखाका बिरामीहरुलाई सहज र सरल सेवा दिन अस्पतालले बैशाख ९ गते शनिबार सो आँखा शिविर गर्ने भएको हो ।
चीनको शन्शन् छाओछिङ होइसँग सहकार्य गर्दै अरनिको समाज भक्तपुरसँगको समन्वयमा अस्पतालले सो शिविर सञ्चालन गर्ने अस्पताल स्रोतले जनाएको छ । सो शिविरमा सहभागी भई आँखा जँचाएकाहरुमा मोतिबिन्दु देखिए अस्पतालले मोतिबिन्दुको निशुल्क शल्यक्रिया गर्ने जनाएको छ ।
शिविर विहान ९ बजेदेखि २ बजेसम्म सञ्चालन हुनेछ ।
