भक्तपुर, २९ जेठ । भक्तपुरको चाँगुनारायण नगरपालिकाकाे आर्थिक समिति संयाेजकमा वडा अध्यक्ष श्यामसुन्दर धिमाल चयन भएका छन् ।
उनलाई नगर कार्यसमितिको बैठकले आर्थिक समितिकाे संयाेजकमा चयन गरेकाे हाे । यसअघि उनी नगरपालिकाको पूर्वाधार समितिका संयाेजक पनि थिए ।
उनलाई पावरवाला र पहुँचवाला जनप्रतिनिधि मानिन्छ । विकास निर्माणका अभियन्ताकाे छवि बनाएका उनले यसअघिको कार्यकालमा दुवाकाेटदेखि ताथलीसम्मका सडक स्तराेन्नतिका लागि भूमिका निर्वाह गरेका थिए ।
संयाेजक धिमालले समितिलाई प्राप्त अधिकारकाे भरपूर उपयाेग गरि चाँगुनारायण नगरपालिकाकाे आर्थिक समृद्धिका लागि लाग्ने बताए ।
आर्थिक समिति अन्तरगत कृषि पर्यटन, सहकारी, उद्योग वाणिज्यलगायतका क्षेत्र रहेका छन् ।
