भक्तपुर, १८ जेठ । भक्तपुरका एक व्यक्तिलाई प्रहरीले पक्राउ गरेको छ । प्रहरीले भक्तपुर नगरपालिका वडा नं. ५ का ५२ वर्षीय प्रकाशमान धौबन्जारलाई मंगलबार दिउँसो प्रहरीले पक्राउ गरेको हो ।
उनलाई काठमाडौं महानगरपालिका २६ स्थित सडकबाट नियन्त्रित लागूऔषध बुप्रेनोर्फिन ५० एम्पुल, डाइजेपाम ४० एम्पुल, फेनारगन ५० एम्पुल र नगद १५ हजार रुपैयाँ सहित पक्राउ गरेको हो ।
उनलाई सोही ठाउँबाट पक्राउ गरेको प्रहरीले जनाएको छ । प्रहरीका अनुसार उनी सोही ठाउँमा डेरा गरी बस्थे ।
लागूऔषध नियन्त्रण ब्यूरो कोटेश्वरबाट खटिएको प्रहरीले उक्त लागूऔषध सहित उनलाई पक्राउ गरेको जनाएको छ । साथै उनको डेराकोठा तलासी गर्दा थप बुप्रेनोर्फिन ६० एम्पुल, डाइजेपाम ५३ एम्पुल र फेनारगन ४६ एम्पुल प्रहरीले फेला पारी बरामद गरेको छ ।
