भक्तपुर ११ जेठ । चाँगुनारायण नगरपालिकाले किसानलाई प्लाष्टिक वितरण गर्ने भएकाे छ ।
नगरकार्यपालिकाको नगरसभाद्धारा पारित नीति बजेट तथा कार्यक्रमअन्तरगत किसानहरूलाई अनुदानमा प्लाष्टिक वितरण गर्ने भएकाे हाे ।
यसका लागि चाँगुनारायण नगरपालिका वडा नं ३ झाैखेलले सूचना समेत जारी गरेकाे छ ।
नगरपालिकाले कृषकहरुको आय आर्जन तथा रोजगारीका लागि कृषिमा प्रोत्साहन दिन विभिन्न तरकारी तथा कृषि जन्य वस्तु उत्पादन गर्नको लागि अनुदानमा प्लास्टिक वितरण गर्ने कार्यक्रम रहेको जनाएको छ ।
व्यावसायिक कृषिका लागि टनेल निर्माण गरि वा निर्माण भएको टनेलका लागि बढिमा दुई थान प्लाष्टिक वितरण गर्ने भएको वडाध्यक्ष श्यामसुन्दर धिमालले बताए ।
साे कार्यक्रमले किसानलाई राहत पुग्ने उनकाे भनाइ छ ।
