भक्तपुर, ३१ वैशाख । भक्तपुरको चाँगुनारायण नगरपालिकामा एमाले र काँग्रेसबीच कडा प्रतिस्पर्धा भएको छ ।
चाँगुनारायण नगरपालिका वडा नं. १ को मतगणनाको परिणाम सार्वजनिक भइरहँदा मेयर पदमा ती दुई दलका उम्मेदवारबीच कडा स्पर्धा भएको देखिएको छ ।
सो वडामा खसेको मतमध्ये ३०० मत गन्दा नेकपा एमालेको तर्फबाट मेयरका उम्मेदवार बिना बास्तोलाले १०३ मत ल्याएकी छन् भने काँग्रेसका उम्मेदवार जीवन खत्रीले १०२ मत ल्याएका छन् ।
उपमेयरमा भने भने खासै स्पर्धा देखिएको छैन । उपमेयर पदमा सूर्यले १२० मत पाएको छ भने रुखले ८८ मत पाएको छ ।
यता वडा अध्यक्ष पदमा पनि उत्तिक्कै स्पर्धा रहेको छ । वडा अध्यक्षमा सूर्यले११४ र रुखले ११२ मत पाएका छन् ।
अहिले पनि मत गणना कार्य जारी रहेको छ ।
