भक्तपुर, २५ वैशाख । देशभर विद्यार्थी भर्ना अभियान चलिरहेको बेलामा भक्तपुरको ताथलीस्थित देवी माध्यमिक विद्यालयले फरक तरिकाले विद्यार्थी भर्ना अभियान सञ्चालन गरेको छ ।
चाँगुनारायण नगरपालिकाको उत्कृष्ट विद्यालयको रुपमा चिनिएको चाँगुनारायण नगरपालिका वडा नंं ९ ताथलीको सौडोलस्थित सो विद्यालयले नाटक प्रदर्शनसँगै विद्यार्थी भर्ना अभियान सञ्चालन गरेको हो ।
विद्यालयले ताथलीका विभिन्न ठाउँ, चोक र टोलमा नाटक प्रदर्शन गरेका थिए । बढ्दो सूचना प्रविधिको विकाससँगै त्यसले सन्तानमा पारेको प्रभावको बीचमा हुर्केका सन्तानहरुको भविष्यका लागि अभिभावकले खेल्नपर्ने मुख्य भूमिकालाई मुख्य विषयवस्तु बनाएर विद्यालयका शिक्षक सहदेव साखकर्मीले लेखेको नाटकमा विद्यार्थीहरु अनिश आचार्य, अल्बिना खड्का, अप्सरा बोगटी र सूवर्ण उप्रेतीले अभिनय गरेका छन् ।
साँस्कृतिक कार्यक्रमसहित भएको भर्ना अभियानमा विद्यालयले सो विद्यालयमा विद्यार्थी भर्ना गर्नका लागि अनुरोध गरेका थिए ।
