भक्तपुर, ७ बैशाख । भक्तपुरको ताथलीमा वेवारिशे लास फेला परेको छ । ताथलीको नाला सडकको सोल्टी मोडमा एक वेवारिशे लास फेला परेको प्रहरीले जनाएको छ ।
महानगरीय प्रहरी वृत जगातिका अनुसार बुधबार बिहान करिब साढे ६ बजेको समयमा चाँगुनारायण नगरपालिका वडा ९ ताथलीको सोल्टी मोडमा रहेको सडक पेटीको प्रतिक्षालयमा एक लास फेला परेको हो ।
अन्दाजी ३५/३६ वर्षको कालो वर्णको तराईबासी जस्तो देखिने पुरुषको लास भेटिएको प्रहरीले जनाएको छ । ज्याकेटले मुख छोपिएको अवस्थामा यात्रु प्रतिक्षालयमा मृत फेला परेको व्यक्ति देखेपछि स्थानीयले प्रहरीलाई खबर गरेका थिए।
प्रहरीले मुचुकल्का गरी पोष्ट मार्टमका लागि केएमसी हस्पिटल दुवाकोट पठाएको जनाएको छ । सो घट्नाको प्रकृति हेर्दा मादक प्रदार्थ सेवन गरि मृत्यु भएको हुनसक्ने प्रहरीले अनुमान गरेको छ।
