भक्तपुर, ५ बैशाख । भक्तपुर विद्युतीय सामग्री व्यवसायी संघले २०७९ सालको क्यालेण्डर बिमोचन गरेको छ ।
बिस्का जात्राको अवसरमा शुभकामना आदानप्रदान कार्यक्रममा क्यालेण्डर बिमोचन गरिएको हो ।
संघका अध्यक्ष गंगाराम मानन्धरको सभापतित्वमा सम्पन्न कार्यक्रममा प्रकाशन गरेको टेबुल क्यालेण्डर विमोचन गर्दै अध्यक्ष मानन्धरले भक्तपुर जिल्लाका विद्युतीय सामग्री व्यवसायीहरुको हकहित र प्रवर्द्धनका लागि संघ निरन्तर लाग्ने बताए ।
कार्यक्रममा संघका संस्थापक अध्यक्ष न्हुछेरत्न मानन्धर, पूर्व अध्यक्ष एवं सल्लाहकारह रोशन भोयद्यो, पुण्यराम खाताखो, माधव प्रसाद प्रजापति, सल्लाहकार शिवप्रसाद मानन्धर, सल्लाहकार दिनेशबहादुर धौबन्जार र भक्तपुर मोबाइल व्यवसायी संघका अध्यक्षश्याम सुन्दर नगरकोटीले संघको प्रगतिकोबारेमा चर्चा गरेका थिए ।
क्यालेण्डर प्रकाशन तथा विमोचन कार्यक्रमको संयोजक एवं संघका सचिव अल्बर्ट बज्राचार्यले कार्यक्रम संघको गतिबिधिकाबारेमा चर्चा गरेका थिए ।
