भक्तपुर, २ चैत । चाँगुनारायण नगरपालिकाका मेयर सोमप्रसाद मिश्रले आफू चाँगुनारायण नगरपालिकाको मेयरको दौडमा नरहेको बताएका छन् ।
उनले पद र प्रतिष्ठाका लागि दौडधूप गर्ने रुने, कराउने, सााम, दाम, दण्ड भेद, चाकरी चाप्लुसी गर्ने गरेको बताउँदै आफू त्यो खेलमा नलागेको बताए । त्यो झन्झटबाट आफू पर बस्न चाहेको बताउँदै उनले नगरपालिकाको मेयर पदको दौडमा आफू नलागेको जनाए ।
‘यो दौडमा म पनि एकजना सामेल होऔं भन्ने लागेन यो रेसबाट बाहिर निस्कन खोजेँ म ।’ उनले चाँगुनारायण नगरपालिकामा आफ्नो नेतृत्व सन्तोषजनक नै रहेको बताए । क्यापिटल एफएमको एक कार्यक्रममा अन्तवार्ताकार विमल थापासँग कुराकानी गर्दै उनले चाँगुनारायण नगरपालिकामा जो आए पनि सहज हुने वातावरण र रोडम्याप तयार गरेको बताए ।
उनले सोही कारण पनि आफू नै दोहोरिनु पर्छ भन्ने नलागेको बताए ।
उनले २०७४ सालमा पनि आफू मेयरका लागि नधाएको स्मरण गर्दै पार्टीले दिएको जिम्मेवारी निर्वाह गरेको उल्लेख गरे ।
