भक्तपुर, २२ चैत । स्थानीय तहको निर्वाचन २०७९ का लागि नेपाली काँग्रेसले चाँगुनारायण नगरपालिका वडा नं. ९ का लागि उम्मेदवारहरुको टुंगो लगाएको छ ।
नेपाली काँग्रेस वडा पार्टी समितिले वडा अध्यक्षदेखि वडा सदस्यसम्मका उम्मेदवारहरुको टुंगो लगाएको हो । पार्टीका अनुसार सो वडामा वडा अध्यक्ष पदको उम्मेदवारमा राजकुमार खड्का रहेका छन् छन् भने सदस्यमा कृष्णप्रसाद फैजु, बिकास ढुङगाना, प्रतिमा गिरी र गायत्री विक रहेका छन् ।
नेपाली काँग्रेसको तर्फबाट उनीहरुको नामावली सर्बसम्मत भएको वडा नं. न ९ का चुनाव प्रचार प्रसार समिति संयोजक सुरेश राज गिरिले बताए । उनले सो वडामा नेपाली काँग्रेसको जीत सुनिश्चित गर्नका लागि सर्वसम्मत रुपमा उम्मेदवार टुंग्याएको बताए ।
२०७४ सालको स्थानीय तहको निर्वाचनमा सो वडामा नेपाल मजदुर किसान पार्टीले प्यानलै जीत हासिल गरेको थियो । सो निर्वाचनमा नेपाली काँग्रेसका तर्फबाट टंकबहादुर थापा उम्मेदवार बनेका थिए भने नेमकिपाका तर्फबाट गणेश त्यात उम्मेदवार बनेका थिए । निर्वाचनमा थापाले ४५१ र त्यातले १ हजार ५१ मतका साथ विजयी बनेका थिए ।
निर्वाचनमा महिला वडा सदस्यतर्फ नेपाली काँग्रेसकी मिरा वाग्ले(थापा)ले ५२० मत पाएकी थिइन् भने नेमकिपाकी कमला भारती(गिरी) ले १ हजार ५२ मत पाएर विजयी बनेकी थिइन् ।
नेपाली काँग्रेसको तर्फबाट भुपेन्द्र बुढाथोकी र रत्नलाल बनमाला वडा सदस्यमा उम्मेदवार बनेका थिए । उनीहरुले क्रमशः ३९५ र ३३५ मत पाउँदा नेमकिपाबाट उम्मेदवार बनी विजयी बनेका विद्यापति प्वार थापा र कृष्णराम बासुकलाले क्रमशः १ हजार ३२ र ९८९ त पाएका थिए ।
ल्याएका थिए । यसैगरी दलित महिला सदस्यतर्फ गायत्री विक नै उम्मेदवार बनेकी थिइन् । सोही पदमा नेपाल मजदुर किसा पार्टीकी उम्मेदवार सुमित्रा दर्जीले विजय हासिल गरेकी थिइन् । उनले १ हजार ४४ मत पाएकी थिइन् ।
