भक्तपुर, ५ चैत । नेपाल मजदुर किसान पार्टी भक्तपुर जिल्ला समितिको पूनर्गठन गरिएको छ ।
भक्तपुर जिल्ला पार्टी अध्यक्ष न्हुच्छेभक्त फोँजूको नेतृत्वमा रहेको समिति पूनगर्ठन गरी नयाँ नेतृत्व चयन गरिएको हो ।
शनिबार भएको पूनर्गठनबाट नेमकिपा भक्तपुर जिल्ला अध्यक्षमा सुरेन्द्रराज गोसाइँ हुन् । उनी बागमती प्रदेश सांसद पनि हुन् ।
यसअघि पार्टी जिल्ला समितिको उपाध्यक्ष पदमा रहेका गोसाइँको नेतृत्वमा नयाँ कार्यसमिति गठन गरिएको पार्टीले जनाएको छ ।
पार्टीको विधान अनुसार जिल्ला समिति २९ सदस्यीय बनाउने प्रावधान छ । सोही प्रावधानसहित नयाँ कार्यसमितिमा चयन गरी पूनर्गठन गरिएको पार्टीले जनाएको छ ।
