भक्तपुर, २४ फागुन । नेशनल प्याब्सनको सातौं महाधिवेशन सम्पन्न भएको छ । महाधिवेशनले डेढ वर्ष एकजना अध्यक्षले र अर्को डेढ वर्ष अर्को अध्यक्षले कार्यकाल चलाउने गरी अध्यक्ष चुनिएका छन् ।
महाधिवेशनमा दुई व्यक्तिले उम्मेदवारी दिएपछि सो विधि अपनाइएको हो ।
विधिअनुसार पहिलो डेढ वर्षका लागि पाण्डव हमाल अध्यक्ष भएका छन् भने दोस्रो डेढ वर्षका लागि सुवास न्यौपाने अध्यक्ष भएका छन् । सो विधि अवलम्बन गरेसँगै महाविधेशनले सर्वसम्मत नेतृत्व चयन गरेको जनाएको छ ।
सो विधिबाट चयन गरिएको समितिको महासचिवमा पारस खड्का चुनिएका छन् । नयाँ कार्यसमितिमा भक्तपुरबाट पनि प्रतिनीधित्व रहेको छ । भक्तपुरबाट विक्रम धुकुछु सहकोषाध्यक्षमा चुनिएका छन् भने केन्द्रीय सदस्यमा जिवी खड्का चुनिएका छन् ।
प्रदेश अन्तर्गत बागमती प्रदेशको उपाध्यक्षमा पुण्यराम कवां र सदस्यमा साधुराम गैंडा चयन भएका छन् ।
