भक्तपुर, १८ फागुन । भक्तपुरको एक हाडवेयर अगाडि बम फेला परेको छ । मध्यपुरथिमि नगरपालिकाको एक हार्डवेयर अगाडीको पेटीमा बम फेला परेको हो ।
महानगरीय प्रहरी परिसर भक्तपुरका अनुसार मध्यपुरथिमि नगरपालिका वडा नं. २ कौशलटारको कमलधारास्थित मिलिजुली हार्डवेयरको दक्षिणपट्टिको सटर अगाडिको पेटीमा शंकास्पद वस्तु फेला परेको छ ।
सो स्थानमा राखिएको उक्त बस्तु स्टिलको भाँडोभित्र निलो प्लाष्टिकले छोपिको र बाहिर कालो र रातो तार निकाली भाँडोलाई कालो टेपल कभर गरि छाडिएको पाइएको प्रहरीले जनाएको छ ।
प्रहरीले सो स्थानमा राखिएको शंकास्पद बस्तुलाई नेपाली सेनाको बम डिस्पोजन टोलीले मंगलबार विहान ९ बजे डिस्पोज गरेको जनाएको छ । ‘हिजो विहान करिब सात बजे देखिएको उक्त शंकास्पद बस्तु विहान सवा नौ बजे डिस्पोज गरिएको छ’, महानगरीय प्रहरी परिसर भक्तपुरका प्रहरी नायव उपरीक्षक एवं सूचना अधिकारी राजु पाण्डेले भने ।
उनले सो शंकास्पद बस्तुभित्र २ मिटरको बिजुलीको तार, इँटाको धूलो, माटो र नो एमसिसी लेखेको कागज फेला परेको जानकारी दिँदै सो विषयमा थप अनुसन्धान भइरहेको बताए ।
