भक्तपुर, ९ फागुन । आफ्नै घरमा लडेर भक्तपुरमा एक जनाको मृत्यु भएको छ । भक्तपुर नगरपालिका वडा नं. १ सल्लाघारीस्थित यातायात कार्यालय नजिक बस्ने दिपककुमार भुसालको लडेर मृत्यु भएको हो।
महानगरीय प्रहरी परिसर भक्तपुरका प्रहरी नायव उपरीक्षक एवं सूचना अधिकारी राजु पाण्डेले ७८ वर्षका भुसाल आफ्नै घरको पहिलो तलाबाट खसेका थिए। खसेका भुसाललाई उपचारका लागि सल्लाघारीकै डा. इवामुरा अस्पताल लगिएको र उपचारको क्रममा उनको मृत्यु भएको प्रहरीले जनाएको छ।
सो विषयमा थप अनुसन्धान समेत भइरहेको प्रहरीले जनाएको छ ।
