भक्तपुर, ९ फागुन ।
भक्तपुरमा भएको तेस्रो खुल्ला फुटसल प्रतियोगितामा राप्रपा युवा संगठन प्रथम भएको छ ।
भक्तपुरका लोकप्रिय नेताको रुपमा रहेका स्व सुरेन्द्रप्रताप शाहको स्मृतिमा आयोजित प्रतियोगितामा सो टीम प्रथम भएको हो। भक्तपुर जिल्लाका पूर्व सभापति समेत रहेका शाहको स्मृतिमा गरिएको सो कार्यक्रममा विजयी टीमले रु. एकलाख नगदसहित मेडल, ट्रफी र शिल्ड हासिल गरेको छ।
प्रतियोगितामा विभिन्न स्थानका २८ टीमको सहभागिता रहेको थियो । टीममा टीम विवेक काठमाडौं, दोस्रो भएको छ । सो टीमले नगद रु. ५० हजारसहित मेडल र शिल्ड हासिल गरेको छ।
प्रतियोगितामा विजयी टीम तथा खेलका सर्वोत्कृष्ट खेलाडीलाई राप्रपा केन्द्रीय उपाध्यक्ष एवं पूर्व मन्त्री विक्रम पाण्डे, केन्द्रीय सदस्य रामेश्वर थापा, रबिन्द्रप्रातप शाहलगायतले पुरस्कार वितरण गरेका थिए ।
प्रतियोगिता संयोजक किसन थुसाले समाजसेवी तथा स्वच्छ छविको व्यक्तित्वका रुपमा रहेका स्व. शाहको योगदानको स्मरण गर्दै उनको कामबारे नयाँ पुस्तालाई जानकारी दिन सो स्पर्धा गरिरहेको बताए । प्रतियोगिता सम्पन्न गर्न सहयोग गर्ने सबैलाई रोशन नापितले धन्यवाद दिएका थिए।
स्पर्धामा बेष्ट प्लेयर र बेष्ट किपर बन्न सफल खेलाडीको होलबडी चेकअप निःशुल्क गरिने संयोजक थुसाले बताए । त्यसका लागि भक्तपुरको क्लिनिक वानले सहयोग गरेको उनको भनाइ छ ।
