भक्तपुर, ७ फागुन । चाँगुनारायण नगरपालिकाभित्रका ३४ सामुदायिक विद्यालयमध्ये विद्यार्थी संख्याको आधारमा चाँगुनारायण माध्यमिक विद्यालयमा सबैभन्दा बढी विद्यार्थी अध्ययन गरिरहेका छन्।
नगरपालिकाको शिक्षा शाखाले विद्यार्थी संख्यालाई आधार मान्दा आधारभूत र माध्यमिक विद्यालयहरुमध्ये चाँगुनारायण नगरपालिकाको वडा नंं १ दुवाकोट, न्यौपाने गाउँस्थित सो विद्यालयमा सबैभन्दा बढी विद्यार्थी अध्ययन गरिरहेका छन्।
सो विद्यालयमा अहिले(माघ मसान्तसम्म) ६ सय ४५ विद्यार्थी अध्यनरत छन्।
त्यसपछि चाँगुनारायण नगरपालिकाको वडा नं. ९ ताथलीको सौडोलस्थित देवी माविमा बढी विद्यार्थी अध्ययन गरिरहेका छन्। नगर शिक्षा शाखाका अनुसार देवी माविमा ५ सय ४ विद्यार्थी अध्ययनरत छन्। विद्यार्थी संख्याको आधारमा तेस्रोमा छालिङको गणेश मावि, चौथोमा खरिपाटीको श्रीकृष्ण मावि, पाँचौंमा सुडालको बाल्मिकेश्वर मावि र छैटौंमा महेन्द्रग्रामा मावि परेका छन्।
ती विद्यालयहरुध्ये गणेश माविमा चारसय ६४, श्रीकृष्ण माविमा चारसय ५१, बाल्मिकेश्वर माविमा तीनसय ८६ र महेन्द्रग्राम माविमा ३ सय ८३ विद्यार्थी छन्।
विद्यार्थी संख्याकै आधारमा सातौ स्थानमा सुडालको सरस्वती मावि, आठौंमा सुडालकै पञ्चकन्या मावि, नवौंमा दुवाकोटको गणेश आधारभूत विद्यालय र दशौंमा ताथलीको गणेश मावि रहेका छन्। ती विद्यालयहरुमा क्रमशः विद्यार्थीहरु, तीनसय १४, दुईसय ८४, दुईसय ४८ र दुई सय ८ विद्यार्थी अध्ययन गरिरहेको नगरपालिकाले जनाएको छ।
