भक्तपुर, ६ फागुन । भक्तपुरको च्याम्हासिंहमा दुर्घटना भएको छ। च्याम्हासिंहबाट जगाती आउने मुल सडकमै दुर्घटना भएको प्रत्यक्षदर्शीले भक्तपुर टाइम्सलाई जानकारी दिए। स्थानीयका अनुासर तीव्र गतिमा आएको मोटरसाइकल निशान गाडीमा ठोक्किदा दुर्घटना भएको हो।
शुक्रबार राति करिब सवा नौबजेतिर सो घटना भएको हो। सडक छेउमा रोकिराखेको निसान ट्रकमा तीब्र गतिमा आइरहेको मोटरसाइकल आफैले हानेको स्थानीयले बताए। ‘मोटरसाइकलले ओभरटेक गर्न खोज्दा दुर्घटना भएको जस्तो छ, यसको विस्तृत विवरण आउन बाँकी छ, घटनामा परेका व्यक्तिको पनि पहिचान भएको छैन’, स्थानीयले भक्तपुर टाइम्सलाई जानकारी दिए।
दुर्घटनाका कारण मोटरसाइकल चालक घाइते भएका छन्। सो बारे विस्तृत विवरण आउन बाँकी छ।
