भक्तपुर , ६ फागुन। नेपाल (एमाले) मा व्यक्तिवादी प्रवृत्ति, अहंकारवाद, निरङ्कुश एवं स्वेच्छाचारी प्रवृत्ति, चरम गुटबन्दी, दक्षिणपन्थी अवसरवाद र विसर्जनवाद हावी भएको भन्दै नेकपा एमाले भक्तपुरका नेता दामोदर काफ्ले नेकपा (एकीकृत समाजवादी) मा प्रवेश गरेका छन् ।
उनी बिहीबार एकीकृत समाजवादीको केन्द्रीय कार्यालयमै पुगेर पार्टी प्रवेश गरेकाे पार्टीले जनाएकाे छ।
एमालेमा रहेर ०६७ मा नगर कमिटी हुँदै जिल्ला कमिटीको जिम्मेवारी समेत वहन गरीसकेका उनले अव एमालेमा कम्युनिष्ट चरित्र नरहेको भन्दै कार्यकर्ताहरुलाई अलमल नगर्न र सहि निती विचार र सिध्दान्त अंगिकार गरेको एकीकृत समाजवादीमा आवद्ध हुन अनुरोध गरे ।
नवप्रवेशि काफ्लेलाई नेकपा (एकीकृत समाजवादी) का महासचिव डा।बेदुराम भुसालले खादा र अविर लगाएर स्वागत गरेका थिए । कार्यक्रममा नेकपा (एकीकृत समाजवादी) भक्तपुरका अध्यक्ष श्याम वस्नेत र सचिव पुरुषोत्तम लामिछानेको उपस्थिति रहेको थियो ।
