भक्तपुर, ४ फागुन। ख्यालठट्टाको नाममा सर्वसाधरण व्यक्तिहरूलाई शारीरिक तथा मानसिक हैरानी दिएको भन्दै भक्तपुरका आकाश सेडाई पक्राउ परेका छन्।
झापा विर्तामोड नगरपालिका ४ आदर्शटोल ठेगाना भई हाल भक्तपुरको कौशलटार बस्दै आएका २७ वर्षीय सेडाइलाई मंगलबार प्रहरीले पक्राउ गरेको हो।
सार्वजनिक स्थलहरूमा मजाक, ख्यालठट्टा वा मस्करी (प्य्राङक) को नाममा सर्वसाधरणलाई शारीरिक तथा मानसिक रुपमा सास्ती दिने, हैरानी पार्ने र दिक्दार लगाउने जस्ता क्रियाकलापहरू समेटेर तयार गरेको गोप्य भिडियो युट्युब च्यानलमा राख्दै आएका उनलाई प्रहरीले नियन्त्रणमा लिएको हो।
आकाश उपर जिल्ला अदालत काठमाडौंबाट ७ दिनको म्याद थप अनुमति प्राप्त गरी यस सम्बन्धमा थप अनुसन्धान भइरहेको प्रहरी प्रधान कार्यालय साइबर ब्यूरो भोटाहिटीले जनाएको छ।
