भक्तपुर, ४ माघ । फागुन ६ गते शुक्रबार भक्तपुर र बनेपाबीच घम्साघम्सी हुने भएकाे छ ।
भक्तपुर कप फुटबल प्रतियोगिताको पहिलो खेल आयोजक भक्तपुर युवा टिम भक्तपुर र नमस्ते बनेपा फुटबल क्लबबीच हुने तय भएसँगै भक्तपुरको महेश्वरी खेल मैदानमा घम्साघम्सी हुने भएकाे हाे ।
मंगलबार टाइसिट सार्वजनिक तालिका अनुसार ती दुई टीमबीच पहिलो खेल हुने भएकाे हाे । साे खेल उद्घाटन खेल हुनेछ ।
आयोजक युवा टिमका अध्यक्ष केशव त्वानाबासुुले टाइसिट प्रकाशनसँगै प्रतियोगिताको सम्पूर्ण तयारी पूरा भएको जानकारी दिए। टिमका संस्थापक एवं सल्लाहकार विश्वराम कवाँले प्रतियोगितामा हारजित निश्चित भएको भन्दै हारजित भन्दा मित्रताका लागि खेल खेल्नुपर्ने बताए ।
स्पर्धामा पहिलो हुने टिमलाई नगद रु एक लाख १५ हजार र दोश्रो हुने टिमलाई नगद रु ५५ हजार पुरस्कारको व्यवस्था रहेको छ । साथै प्रतियोगितामा उत्कृष्ट खेलाडी, अग्रखेलाडी, मिडफिल्डर, डिफेन्डर, गोलकिपर, कोचलाई पनि वेष्ट अवार्ड दिने योजना रहेको छ ।
