भक्तपुर, ३ फागुन। भक्तपुरको च्याम्हासिंहमा बस र मोटरसाइकल आपसमा ठोक्किँदा एक जनाको ज्यान गएको छ । हिजो बेलुका करिब साढे ८ बजे बा ३ ख ४७६५ नम्बरको बस र बा ६१ प ६६१८ नम्बरको मोटरसाइकल च्याम्हासिंहको नाला बसपार्कमा एक आपसमा ठोकिएको थियो।
ती सवारीहरु आपसमा ठोक्किँदा मोटरसाइकलको पछाडि बस्ने दोलखाका ३४ वर्षका देवेन्द्र कार्कीको ज्यान गएको प्रहरीले जनाएको छ। प्रहरीका अनुसार घटनामा एक जना घाइते भएका छन्। घाइते भएकामा मोटरसाइकल चालक रहेका छन। उनको अहिले मध्यपुर थिमि अस्पतालमा उपचार भइरहेको छ। बस चालकलाई प्रहरीले नियन्त्रण्मा लिएको छ।
