भक्तपुर, २९ माघ। भक्तपुर सूर्यविनायक नगरपालिकाका रोहन खड्का लागूऔषधसहित पक्राउ परेका छन्। सूर्यविनायक नगरपालिका ४ दधिकोटका ३० वर्षीय रोहन खड्कालाई लागूऔषधसहित प्रहरीले पक्राउ गरेको हो।
वीरगंजबाट काठमाडौं आउदै गरेको ना १ ज ७३८१ नम्बरको टाटा सुमोलाई ईलाका प्रहरी कार्यालय फर्पिङबाट खटिएको प्रहरीले जाँच गर्ने क्रममा सुमोमा सवार रोहनलाई लागूऔषधसहित पक्राउ गरेको प्रहरीले जनाएको छ। उनको साथबाट ४ सय १ एम्पुल डाईजेपाम, ४ सय १ एम्पुल नुर्फिन र ४ सय ३ एम्पुल फेनारगन बरामद गरेको छ।
यसैगरी पर्सा, वीरगंज महानगरपालिका १६ रजयन्ती चोकबाट करिब १ ग्राम अवैध लागूऔषध ब्राउनसुगर र १ बोतल कोरेक्स सहित सोही महानगरपालिका २४ रामगढवा बस्ने २० वर्षीय राजन कुमार चौरसियालाई पनि प्रहरीले पक्राउ गरेको छ।
