भक्तपुर, २० माघ। भक्तपुरको चाँगुनारायण नगरपालिकाको खरिपाटीमा मिनिट्रक र मोटरसाइकल आपसमा ठोक्किएका छन्। ती दुई सवारी आपसमा ठोकिाँ एक जनाको मृत्यु भएको छ।
मृत्यु हुनेमा चाँगुनारायण नगरपालिका–७ खरिपाटी भद्रकाली बस्ने २४ वर्षका संजोग गिरी रहेको महानगरिय प्रहरी परिसर भक्तपुरका सूचना अधिकारी प्रहरी नायव उपरिक्षक राजु पाण्डेले जानकारी दिए। उनका अनुसार गिरीको घटनास्थलमै मृत्यु भएको हो।
प्रदेश नं ३–००१ प १४७७ नं को मोटरसाइकल र बा ५ ख १६२५ नं को मिनि ट्रक एक आपसमा ठोक्किएको बताउँदै प्रहरी नायब उपरीक्षक गिरीले घटनामा संलग्न मिनि ट्रकका चालक सिन्धुपाल्चोक बाह्रविसे नगरपालिका नाकुचे घर भई हाल भक्तपुर नगरपालिका–८ लिवाली बस्ने ३४ वर्षका राम आचार्यलाई पक्राउ गरेको छ।
