भक्तुर, १० माघ। शब्दयात्रा प्रकाशनले २०७८ सालको ‘शब्दयात्रा भरत जङ्गम भक्तपुर प्रतिभा पुरस्कार’ प्रा. कोमलवदन मल्ललाई दिइने भएको छ।
प्राथमिक बाल शिक्षा कार्यक्रमका माध्यमबाट नेपालको शिक्षा क्षेत्रमा राष्ट्रिय योगदान गरेका उनलाई पुरस्कृत गर्न लागिएको हो। उनलाई पुरस्कृत गर्नका लागि शब्दयात्रा प्रकाशन भक्तपुर सम्पर्क केन्द्रले सिफारिस गरेको थियो।
जीवनको लामो समय शिक्षा क्षेत्रलाई समर्पण गर्नुहुने प्रा. कोमलवदन मल्ल हाल अवकाशप्राप्त जीवन बिताइरहेका छन्। ‘शब्दयात्रा भरत जङ्गम भक्तपुर प्रतिभा पुरस्कार’ पहिलोपटक समर्पण गर्न लागिएको हो । यस पुरस्कारका लागि भ्रष्टाचार निवारण शास्त्रका प्रवर्तक तथा वाङ्मयसेवी भरत जङ्गमले शब्दयात्रा प्रकाशनमा अक्षयकोषको व्यवस्था गरिदिएका छन्।
