भक्तपुर, ९ माघ। भक्तपुरमा तीन महिने शिशुको निस्सासिएर मृत्यु भएको छ।
मृत्यु हुनेमा रामेछपको मन्थली नगरपालिकाका ३० वर्षका अभिषेक रम्तेल र उनकी २८ वर्षकी श्रीमति पसुना तामाङकी ३ महिने छोरा रहेका छन्।
उनीहरु दुई वर्षदेखि भक्तपुरको सूर्यविनायक नगरपालिका वडा नं. ४ दधिकोट गाम्चास्थित भावना थापाको जस्ताले छाएको टहरामा बस्दै आएका थिए। उनीहरु गएराति खाना खाएर आगो तापी सुतेका थिए। म्हानगरीय प्रहरी परिसर भक्तपुरका अनुसार उनीहरु विहान अवेरसम्म पनि नउठेकाले स्थानीय नागरिक र प्रहरीले झ्यालबाट हेर्दा अचेत अवस्थामा फेला पारेका थिए। उनीहरुलाई उपचारका लागि मध्यपुर अस्पताल लगिएको थियो।
उनीहरुको उपचारकै क्रममा विहान साढे ८ बजे ३ महिने शिशुको मृत्यु भएको र आमा बुवादुबैको उपचार भइरहेको प्रहरीले जनाएको छ। उपचाररत दुबैको अवस्था गम्भीर रहेको प्रहरी नायव उपरीक्षक राजु पाण्डले बताए।
