भक्तपुर, १ माघ। प्रहरीले गाँजासहित तीन जनालाई पक्राउ गरेको छ। भक्तपुर नगरपालिका वडा नं. ७ खसिबजारको पुलहाउस नजिकबाट एक व्यक्ति पक्राउ परेका छन्।
पक्राउ पर्नेमा भक्तपुर नगरपालिका वडा नं. ५ भेलुखेलका लक्ष्मीनारायण देउला रहेका छन्। महानगरीय प्रहरी परिसर भक्तपुरका अनुसार ३७ वर्षे देउला ५६ ग्राम लागूऔषध(गाँजा) सहित हिँडिरहेका थिए। उनलाई हिँडिरहेकै बेला नियन्त्रणमा लिइएको महहानगरीय प्रहरी परिसर भक्तपुरका सूचना अधिकारी राजु पाण्डेले बताए।
यसका साथै प्रहरीले भक्तपुर सूर्यविनायक नगरपालिका वडा नंं ८ की ५८ वर्षीया प्रिती तामाङ र ५५ वर्षका खड्गबहादुर तामाङलाई पनि नियन्त्रणमा लिइएको छ। प्रितीबाट ४८ किलो ४५० ग्राम र खड्गबहादुरबाट ४ किलो ५२६ ग्राम गाँजा बरामद गरेको प्रहरीले जनाएको छ।
